Artikel 119: Delitonan di ofisina
Ta enhuisiá miembro di Staten General, minister i sekretario di estado dilanti di Korte Supremo pa delito di kargo kometé den nan funshon, inkluso despues ku nan bandoná nan kargo. Ta duna e òrdu pa persekushon mediante dekreto real òf mediante un resolushon di Kámara di Representante.
In andere talen:
Eksplikashon
Tene na kuenta: solamente e vershon na hulandes di Konstitushon tin balides.
Delito di ofisio di miembronan di Tweede i Eerste Kamer, ministronan i sekretarionan di Estado ta wòrdu, meskos despues di nan retiro, husgá pa Hoge Raad. E órden pa persekushon ta wòrdu duna ku un dekreto real òf ku un desishon di Tweede Kamer. Un ehemplo di un delito di ofisio ta e revelashon di un sekreto di Estado òf tumamentu di soborno.
Ora di persekushon di ministronan i sekretarionan di Estado, e Wet ministeriële verantwoordelijkheid di 1855 ta di aplikashon. Den 2018 e lei akí a wòrdu modernisá.
E artíkulo akí a haña aplikashon dos biaha, pero esei tabata ainda abase di e disposishonnan di e Konstitushon di 1814, ku tabata papia di delitonan 'kometé den ehesishon di nan funshon'. Ministro Pels Rijcken di Marina a wòrdu kondená na 1868 pa Hoge Raad pa motibu di violashon di un lei veterinario. El a laga su kachó kore soltá den un área kaminda esei tabata prohibí pa motibu di tífus di bakuna. El a wòrdu kondená pa esei (ausente) pa Hoge Raad na un boet di dies florin òf un dia di prizon. Thorbecke a wòrdu kondená na 1851 na un boet pa no kumpli ku e Lei di Milisia (no inskribí su yu hòmber).