Konstitushon di 2022/2023

Konstitushon di 2022/2023

Despues di e gran revishon di e Konstitushon na 1983, a modifiká e Konstitushon algun biaha mas. E revishon mas resien a tuma lugá na 2022 i 2023. A trata di agregá un disposishon general i di hasi algun adaptashon chikí (di redakshon). E kambio mas notable ta e posibilidat pa hulandesnan ku ta biba na eksterior di tin influensia tambe riba e komposishon di Promé Kamber via un kolegio elektoral.

E adaptashonnan ku a drenta na vigor na 2022 ta:

• Agregá un disposishon general promé ku artíkulo 1, ku ta stipulá ku e Konstitushon ta garantisá e demokrasia i e estado di derecho.
• Artíkulo 13: modernisá e sekreto di korespondensia, remplasando, entre otro, telegrafia pa telekomunikashon.
• Artíkulo 17: agregá un disposishon ku ta stipulá ku tur hende tin derecho riba un proseso hudisial husto.
• Artíkulo 55: duna hulandesnan na eksterior derecho di voto pa Promé Kamber via un kolegio elektoral.
• Artíkulo 137: klarifiká òf ‘reahustá’ e prosedura pa modifiká e Konstitushon.

Tambe a eliminá algun disposishon transitorio ku no tabata nesesario mas.

Finalmente, na yanüari 2023, Promé Kamber a finalisá e di dos lesamentu di un ampliashon di e prohibishonnan di diskriminashon den artíkulo 1. A agregá ‘diskapasidat’ i ‘orientashon seksual’.