Kapítulo 1: Derechonan fundamental
Kapítulo 1 ta kontené e derechonan fundamental. Por dividí derechonan fundamental den derechonan fundamental klasiko i derechonan fundamental sosial.
Derechonan fundamental klasiko ta brinda siudadanonan prinsipalmente protekshon kontra gobièrnu, manera e derecho di libertat di ekspreshon.
Derechonan fundamental sosial ta imponé tareanan riba gobièrnu pa sòru pa fasilidatnan ku ta nesesario pa funshonamentu sosial di e siudadano, manera e responsabilidat di gobièrnu pa protehá medio ambiente.
1: Trato igual i prohibishon di diskriminashon
Tur persona na Hulanda ta risibí trato igual den kaso igual. No ta permití diskriminashon a base di religion, konvikshon personal, konvikshon polítiko, rasa, sekso, desabilidat, orientashon seksual ni pa ningun otro motibu.