Artíkulo 30: Nombramentu di sucesor di trono

Artíkulo 30
  1. Si ta premirá ku lo no tin susesor, por nombra unu den lei. Entrega di e proposishon pa hasi esei ta tuma lugá pa òf na nòmber di Rei. Despues ku presentá e proposishon, ta disolvé e kámaranan. E kámaranan nobo ta deliberá i tuma desishon al respekto den seshon konhunto. Nan por aprobá e proposishon solamente ku por lo ménos dos terser parti di e votonan emití.
  2. Si na momento ku Rei fayesé òf renunsiá na monarkia no tin susesor, ta disolvé e kámaranan. E kámaranan nobo ta reuní den seshon konhunto denter di kuater luna despues di e fayesementu òf renunsia, pa disidí tokante nombramentu di un Rei. Nan por nombra un susesor solamente ku por lo ménos dos terser parti di e votonan emití.

Eksplikashon

Tene na kuenta: solamente e vershon na hulandes di Konstitushon tin balides. 

Si ta parse ku e rei ora e fayesé no ta laga ningun suksesor di trono atras, òf si e rei en berdad muri sin ku tin un suksesor di trono, Staten-Generaal den reunion unifiká ta nombra un rei. E prosedura ta komo sigiente:

  • ku e perspektiva ku no tin suksesor di trono, gobièrnu ta presenta un proposishon di lei. Despues di e presentashon, tur dos Kámara ta wordu disolbé. Un proposishon di inisiativa ta ekskluí.
  • si na fayesimentu di e Rei no tin ningun suksesor di trono disponibel, mester disolbé e Kámaranan denter di kuater luna. E Kámaranan nobo ta tuma un desishon tokante nombramentu di un suksesor, pero esei no mester ta pa medio di lei.

E Kámaranan nobo ta tuma e ora ei den tur dos kaso, ku dos tersio di e votonan emití, un desishon.

Porester di disolushon di e Kámaranan i elekshonnan nobo, e votadónan tambe ta wordu enbolbí den e nombramentu. Un rei nobo ta wordu nombrá den tur dos kaso ku dos tersio di e kantidat di votonan emití.