Artíkulo 32: Yuramentashon; inagurashon di Rei
Ora Rei kuminsá ehersé outoridat real, mas pronto posibel ta hurament’é i ta inougur’é na kapital, Amsterdam, den un seshon konhunto i públiko di Staten General. E ta hura òf primintí lealtat na Konstitushon i fieldat den kumplimentu di su kargo. Lei ta fiha regla adishonal.
Eksplikashon
Tene na kuenta: solamente e vershon na hulandes di Konstitushon tin balides.
E tumamentu di huramentu i inagurashon di e rei ta tuma lugá na Amsterdam, e kapital, durante un reunion konhunto di Eerste i Tweede Kamer. Den e Wet beëdiging en inhuldiging van de Koning e teksto literal di e huramentu òf promesa akí ta fihá.
Na nòmber di e miembronan di Kamer i e miembronan di Staten di Aruba, Kòrsou i Sint Maarten, e presidente di e Reunion Konhunto ta hasi un deklarashon solemne. Ta hura òf primintí lealtat na e rei nobo. E miembronan ta konfirmá esaki ku un huramentu òf promesa.
No ta asina ku e outoridat real ta kuminsá ku e tumamentu di huramentu i inagurashon akí. Esei ta kuminsá namelijk:
- mesora despues di fayesimentu di e rei (le roi est mort, vive le roi)
- inmediatamentu despues di abdiká
- den kaso di un rei menordedat, ora e alkansá su edat di 18 aña.
Na Hulanda no ta koroná e rei.