Artíkulo 42: Responsabilidat ministerial

Tene na kuenta: solamente e vershon na hulandes di Konstitushon tin balides. 

E Rei i e ministronan huntu ta forma e gobièrnu. Un prinsipio importante di nos ordenansa estatal ta ku e Rei ta intokabel i ku e ministronan ta responsabel. Esei ta nifiká ku nan, i no e rei, ta responsabel pa e polítika di gobièrnu i mester rindi kuenta di esei den Segunda i Eerste Kamer.

E responsabilidat polítiko di ministronan ta, dende 1848, regla solamente den Konstitushon. Sin embargo, den derecho estatal no skirbí tin reglanan tokante e responsabilidat ministerial. Asina un ministro mester tin por ehemplo e konfiansa di Segunda Kamer. Tan pronto ku e pèrdè esei, por ehemplo pasobra Segunda Kamer ta aprobá un moshon di deskonfiansa, e ministro ta entregá su dimishon.

Sin embargo, dende 1855 e lei ta regla e responsabilidat penal di ministronan. E regla akí a drenta Konstitushon ya den 1840. Den 2018 e lei a wòrdu remplasá pa e Wet ministeriële verantwoordelijkheid en ambtsdelicten leden Staten-Generaal, ministers en staatssecretarissen.