Artíkulo 11: Inviolabilidat di kurpa
Tur persona tin derecho riba inviolabilidat di nan kurpa, denter di e límitenan ku lo fiha den òf a base di lei.
Eksplikashon
Tene na kuenta: solamente e vershon na hulandes di Konstitushon tin balides.
Den e artíkulo akí tin e derecho riba inbiolabilidat di e kurpa humano. Tur hende por desidí pa nan mes kiko ta sosodé ku nan kurpa, kual akshon médiko ta wordu ehesutá i kual medisina ta wordu tumá.
Ta permití restrikshon na integridat físiko solamente si esakinan ta basá riba lei.
Sin embargo, e protekshon di salubridat públiko den un sentido mas amplio por wordu presentá komo obhetivo, komo ku un regla por kontribuí na oumento di e grado di vakunashon kolektivo. Ora di skohe i duna forma na medidanan ku e bista riba protekshon di salubridat públiko, legislador tin un espasio di evaluashon konsiderabel.