Artíkulo 22: Salú públiko; vivienda; desaroyo

Artíkulo 22
  1. Gobièrnu ta tuma medida pa promové salubridat públiko.
  2. Promoshon di sufisiente bibienda ta un asuntu ku ta risibí atenshon di gobièrnu.
  3. Gobièrnu ta krea kondishon pa desaroyo sosial i kultural i pa uso di tempu liber.

Eksplikashon

Tene na kuenta: solamente e vershon na hulandes di Konstitushon tin balides. 

Gobièrnu mester tuma medida pa promové salubridat públiko. P'esei legislador a traha un kantidat di lei manera e Gezondheidswet, e Wet marktordening gezondheidszorg i e Wet publieke gezondheid.

Espasio di bibienda ta un nesesidat primario di bida pa hende. P'esei gobièrnu mester perkurá ku tin sufisiente espasio di bibienda. Legislador a elaborá esei den e Woningwet i e Huisvestingswet. Mas di esei, no ta trata solamente di e kantidat di kas, sino tambe di e kalidat di e kasnan.

Gobièrnu mester perkurá ku siudadanonan por desaroyá nan mes sosialmente i kulturalmente i por hasi uso di nan tempu liber.