Artíkulo 37: Regensia
- Un regente ta ehersé outoridat real:
- tanten ku Rei no a kumpli edat di diesocho aña;
- si un yu ku no a nase ainda por ta yamá pa asumí monarkia;
- si a deklará Rei inkapas pa ehersé outoridat real;
- si Rei a entregá ehersisio di outoridat real temporalmente;
- tanten ku falta un susesor despues ku Rei a fayesé òf renunsiá na monarkia.
- Ta nombra e regente den lei. Staten General ta deliberá i tuma desishon al respekto den seshon konhunto.
- Den e kasonan menshoná na insiso unu, sub c i d, e desendiente di Rei ku ta su susesor probabel ta regente konforme derecho si el a kumpli diesocho aña di edat.
- E regente ta hura òf primintí lealtat na Konstitushon i fieldat den kumplimentu di su kargo, den un seshon konhunto di Staten General. Lei ta fiha regla adishonal tokante regensia i por regla su suseshon i remplaso. Staten General ta deliberá i tuma desishon al respekto den seshon konhunto.
- Artíkulo 35 i 36 ta aplikabel analógikamente na e regente.
Eksplikashon
Tene na kuenta: solamente e vershon na hulandes di Konstitushon tin balides.
Outoridat real ta wòrdu ehesé pa un regente
- si e rei ta menor di edat, artíkulo 33
- si un yiu no nasí posiblemente ta bira rei, artíkulo 26
- si a deklará e rei inkapasitá, artíkulo 35
- si e rei a depositá e outoridat real temporalmente, artíkulo 36.
Den e últime dos kasonan akí, e susesor presunto di trono ta regente outomátikamente, por lo menos si e susesor di trono ta un desendiente direkto di e rei. Den tur otro kaso menshoná, ta nombrá e regente pa medio di lei, kual ta wòrdu fihá den un reunion uní. E derechi di inisiativa ta di aplikashon.
E regente lo mester hasi un huramentu. Esaki ta regulá den e Wet beëdiging van de regent.
Tanten ku no a prové den e ehesishon di e outoridat real, esaki ta wòrdu ehesé pa Raad van State (artíkulo 38)