Artíkulo 57: Inkompatibilidat di miembornan di Parlamento
- Ningun persona por ta miembro di ámbos kámara.
- Un miembro di Staten General no por ta a la bes minister, sekretario di estado, miembro di Konseho di Estado, miembro di Kontraloria General, Ombudsman nashonal ni Ombudsman suplente, ni miembro, prokurador general òf abogado general di Korte Supremo.
- No opstante, un minister òf sekretario di estado ku a entregá su kargo por ehersé tal kargo i membresia di Staten General a la bes, te ora tuma un desishon tokante su entrega di kargo.
- Pa otro funshon públiko, lei por stipulá ku no por ehersé nan pareu ku membresia di Staten General òf di un di e kámaranan.
Eksplikashon
Ningun persona no por ta miembro di tur dos Kámara simultánemanente.
Tambe tin un kantidat di kargo ku no por keda kombiná ku miembrasia di un di e dos Kámaranan
- ministro i sekretario di Estado
- miembro di Konseho di Estado
- miembro di Kontraloria General
- Ombudsman Nashonal òf substituut-ombudsman,
- miembro di Korte Supremo i prokurador general òf advokat general serka Korte Supremo.
Durante un formashon di kabinete un ministro òf sekretario di Estado di e kabinete 'bieu' sí por ta miembro di Kámara.
E legislador a hasi uzo di e posibilidat den e Wet incompatibiliteiten Staten-Generaal en Europees Parlement pa indiká otro kargonan públiko ku no por wòrdu ehesé simultánemanente ku e miembrasia di Staten General òf di un di e Kámaranan, manera e empleado públiko di Estado.
Tene na kuenta: solamente e vershon na hulandes di Konstitushon tin balides.