Artíkulo 109: Posishon hurídiko di ámtenar
Lei ta regla posishon hurídiko di ámtenar. Tambe, lei ta fiha regla tokante nan protekshon laboral i tokante derecho di partisipashon.
Eksplikashon
Tene na kuenta: solamente e vershon na hulandes di Konstitushon tin balides.
E posishon hurídiko di empleado públiko mester tin un base legal. Dende 2020, pa hopi empleado públiko derecho laboral komun ta aplikabel, ademas di e debernan spesial di Ambtenarenwet 2017. Pa, entre otro, polis, personal di defensa i funshonarionan hudisial tin reglanan spesial.
Pa e protekshon laboral i partisipashon di tur ámtenar ta konta ku mester tin reglanan ku ta basá riba lei.