Artíkulo 4: Derecho di voto
Tur hulandes tin derecho igual di elegí e miembronan di e órganonan di representashon general i di ser elegí komo miembro di e órganonan akí, a ménos ku ta trata di un restrikshon òf eksepshon fihá den lei.
Eksplikashon
Tene na kuenta: solamente e vershon na hulandes di Konstitushon tin balides.
En prinsipio tur hulandes tin e derechi pa vota i wòrdu eligí den un órgano representativo. E mas importantenan di esakinan ta e dos kambernan di Staten-Generaal, e statennan provinsial i konsehonan munisipal (di distritu).
Ku e palabra igualmente ta referí na e prinsipio di one man, one vote.
E artíkulo ta kontené e posibilidat pa e legislador hasi restrikshon i eksepshon riba e derechi di voto. Esaki ta konta entre otro pa e regulashon di e elekshonnan pa Eerste Kamer. E miembronan di e kamber ey no ta wòrdu eligí direktamente, sino pa e statennan provinsial.
E regulashon di e derechi di voto ta den e Kieswet.
Pelíkula: kon e derechi di voto ta regulá den Konstitushon? (Hüli 2023)