Artíkulo 2: Nashonalidat hulandes; estranhero; ekstradishon; derecho di bandoná pais

Artíkulo 2
  1. Lei ta regla ken ta hulandes.
  2. Lei ta regla atmishon i ekspulshon di estranhero.
  3. Ekstradishon ta tuma lugá solamente a base di tratado. Den lei, ta fiha presepto adishonal tokante ekstradishon.
  4. Tur persona tin derecho di bandoná pais, eksepto den e kasonan determiná den lei.

Eksplikashon

Tene na kuenta: solamente e vershon na hulandes di Konstitushon tin balides. 

Lei ta regla ken ta hulandes. Lei ta regla tambe kon admishon i ekspulshon di estranhero ta organisá. E reglanan legal ei ta e Rijkswet op het Nederlanderschap i e Vreemdelingenwet 2000, inkluso e reglanan basá riba nan.

Ekstradishon di estranhero i hulandes na otro pais por tuma lugá solamente si Hulanda a sera un tratado ku e pais na kua nan ta ser ekstradí.

Tur persona tin derecho di bandoná pais. Solamente lei por fiha eksepshon riba e derecho akí. Esaki ta sosodé prinsipalmente den e Paspoortwet.