Artíkulo 20: Siguridat di eksistensia; prosperidat; seguridat sosial
- Garantia di un eksistensia digno pa pueblo i distribushon di bienestar ekonómiko ta asuntu ku ta risibí atenshon di gobièrnu.
- Lei ta fiha regla tokante derecho riba siguridat sosial.
- Hulandes ku ta biba akí na pais i ku no por satisfasé nan nesesidatnan básiko tin derecho di risibí sosten di gobièrnu. Lo regla e derecho akí den lei.
Eksplikashon
Tene na kuenta: solamente e vershon na hulandes di Konstitushon tin balides.
Gobièrnu mester hiba un polítika dirigí riba siguridat di subsistensia di e poblashon i riba repartishon di prosperidat. Legislador mester fiha regla pa siguridat sosial: ken por haña kual uitkering bou di kual sirkunstansia.
Por último ta stipulá ku hulandesnan na Hulanda ku no por proveé den nan subsistensia, tin derecho riba asistensia sosial. Legislador mester reglá e derecho akí mas aleu den un lei.