Artíkulo 19: Empleo; posishon hurídiko di trahadónan; trabou
- Promoshon di sufisiente empleo ta un asuntu ku ta risibí atenshon di gobièrnu.
- Lei ta fiha regla tokante posishon hurídiko di esnan ku ta ehersé labor, nan protekshon laboral i nan derecho di partisipashon.
- Ta rekonosé derecho di tur hulandes riba eskoho liber di trabou, sin perhuisio di e limitashonnan fihá den òf a base di lei.
Eksplikashon
Tene na kuenta: solamente e vershon na hulandes di Konstitushon tin balides.
Artíkulo 19 ta kontené algun disposishon básiko tokante empleo. Promoshon di empleo ta un kuido di gobièrnu. Banda di esei, e artíkulo akí ta duna legislador e enkargo pa den liña general traha regla pa e posishon hurídiko di trahadónan, nan protekshon di labor i partisipashon den tomamentu di desishon. Ademak, den prinsipio tur hulandés tin derechi riba liber elekshon di trabou.
Un ehemplo di legislashon ku kual ta ehesutá e enkargo stipulá den e artíkulo akí, ta e Wet structuur uitvoeringsorganisatie werk en inkomen.