Artíkulo 40: Pago na miembronan di kas real; eksenshon di impuesto

Artíkulo 40
  1. Anualmente, Rei ta risibí prestashon finansiero pa kuenta di Estado i konforme regla ku lo fiha den lei. E lei konserní ta determiná na ki otro miembro di kas real ta otorgá prestashon pa kuenta di Estado i ta regla tal prestashonnan.
  2. E prestashonnan ku nan ta risibí pa kuenta di Estado, i tambe e elementonan patrimonial ku ta sirbi pa ehersisio di nan funshon, ta liber di impuesto personal. Ademas, loke Rei òf su susesor probabel atkerí for di un miembro di kas real via derecho di herensia òf via donashon ta liber di derecho di suseshon, transishon i donashon. Por otorgá mas eksenshon di impuesto den lei.
  3. E kámaranan di Staten General por aprobá proposishon di e leinan na kua ta referí den e insisonan anterior solamente ku por lo ménos dos terser parti di e votonan emití.

Eksplikashon

Tene na kuenta: solamente e vershon na hulandes di Konstitushon tin balides. 

Den un lei ta pará:

  • kuanto e uitkering ta ku e rei ta risibí
  • kua otro miembro di e kas real ta risibí un uitkering
  • i kuanto e uitkering ei ta.

Riba e uitkeringnan akí nan no tin ku paga belasting. Tambe riba otro puntonan miembronan di e kas real ta gosa di bentahanan di belasting. Esaki ta reglá asina pasobra ta difísil pa hasi un separashon entre gastunan privá i gastunan ku ta wordo hasí pa ehesé e (futuro) reinado.

E proyektonan di lei konserniente mester wordo aprobá ku un mayoridat di dos tersio.