Artíkulo 28: Matrimonio di Rei
- Un Rei ku kontraé matrimonio sin e konsentimentu otorgá den lei ta renunsiá mediante tal akto na monarkia.
- Si un persona ku por heredá monarkia di Rei kontraé matrimonio di tal manera, e mes, e yunan ku nase for di tal matrimonio i nan desendientenan ta ekskluí for di suseshon.
- Staten General ta deliberá i tuma desishon den seshon konhunto riba proposishon di lei pa otorgá tal konsentimentu.
Eksplikashon
Tene na kuenta: solamente e vershon na hulandes di Konstitushon tin balides.
Un rei ku kasa sin pèrmit di Staten-Generaal, ta renunsiá e reinado. Tambe posibel suksesornan di trono ta pèrdè nan derechi riba e trono si nan kasa sin pèrmit di Staten-Generaal.
E pèrmit di Staten-Generaal ta wordó duná den un lei, pero Tweede i Eerste Kamer ta reuní i tuma desishon tokante esaki den un reunion konhunto. Un proponshon di lei pa un 'lei di pèrmit' pues no ta wordó tratá promé den Tweede Kamer i despues den Eerste Kamer.